Հայտարարություն. Իրավաբան
2021-11-15
Աշխատանքի անվանումը՝ Իրավաբան
Կազմակերպությունը՝ «Արմավիրի զարգացման կենտրոն» ՀԿ
Աշխատանքի ժամանակահատվածը՝ 01.12․2021թ-ից մինչև 28.09.2023թ-ը
Ներգրավվածությունը՝ 200 օր։
ԱԶԿ ՀԿ-ն «Արձագանք Քովիդ-19 համավարակին Ծաղկահովիտ համայնքում» ծրագրի շրջանակներում հայտարարում է Իրավաբանի ընտրության մրցույթ:
Իրավաբանի աշխատանքի հակիրճ նկարագիրը․
Իրավաբանը ներգրավվելու է ծրագրով նախատեսված աջակցող թիմում՝ շահառուներին և թիրախ խմբերին իրավաբանական աջակցություն տրամադրելու նպատակով՝ օգտագործելով ինչպես առցանց, այնպես էլ ոչ առցանց հարթակներն ու թեժ գիծը։ Իրավաբանը սերտ համագործակցելու է տեղական ինքնակառավարման մարմինների, աղետների կանխարգելման և հանրային լսումների փորձագետների հետ՝ մշակելու ծրագրով նախատեսված համապատասխան փաստաթղթեր։
Իրավաբանի հիմնական գործառույթները․
• Տրամադրել իրավաբանական խորհրդատվություն շահառուներին և/կամ նրանց ընտանիքի անդամներին Ծաղկահովիտ խոշորացված համայնքում ինչպես առցանց, այնպես էլ ոչ առցանց եղանակով
• Աջակցող թիմի անդամների հետ վարել ծրագրով նախատեսված թեժ գիծը
• Ծրագրի փորձագետների հետ մշակել համապատասխան փաստաթղթեր, դիմումներ, բողոքներ, հարցումներ և այլն
• Իրականացնել աջակցության թիմի համար նախատեսված աշխատանքային այլ պարտականություններ
Պահանջներ Իրավաբանին.
• Բարձրագույն կրթության առկայություն (բակալավրի կամ մագիստրոսի աստիճան) իրավաբան որակավորմամբ,
• Նվազագույնը երեք տարվա աշխատանքային փորձ համապատասխան ոլորտում,
• Մասնագիտական հմտությունների տիրապետում,
• Շահառուների հետ հեշտ շփվելու կարողություն,
• Թիմում աշխատելու պատրաստակամություն և ունակություն:
Հայտերի ներկայացման կարգը
Հետաքրքրված թեկնածուները կարող են ուղարկել ինքնակենսագրական (CV) info@armavirdc.org էլեկտրոնային հասցեին մինչև 2021թ. նոյեմբերի 29-ը՝ վերնագրում
նշելով՝ «Իրավաբան» անվանումը կամ ներկայացնել ԱԶԿ ՀԿ-ի գրասենյակ՝ ք․Արմավիր, Շահումյան 68ա
Ժամկետից ուշ ստացված հայտերը ՉԵՆ ԴԻՏԱՐԿՎԻ:
Ընտրված մասնակցին սահմանված կարգով կառաջարկվի կնքել ծառայությունների մատուցման համապատասխան պայմանագիր:
Կազմակերպության մասին
«Արմավիրի զարգացման կենտրոն» հասարակական կազմակերպությունը (ԱԶԿ ՀԿ) ստեղծվել է 2005թ.-ին: ԱԶԿ ՀԿ-ի առաքելությունն է համագործակցությունը հանուն սոցիալ-տնտեսական առաջընթացի։ Աշխատելով ողջ ՀՀ տարածքով՝ իրականացնում ենք ժողովրդավարության, մարդու իրավունքների, հակակոռուպցիոն, առողջապահական, կրթության և ՏԻՄ ոլորտներին առնչվող ծրագրեր։ Կազմակերպության մասին մանրամասներին կարող եք ծանոթանալ կազմակերպության https://armavirdc.org/ պաշտոնական կայքում:
Դիտվել է 209 անգամ