Դասընթացի մասնակցության ՀՐԱՎԵՐ


2021-11-02
 
«Արմավիրի զարգացման կենտրոն» հասարակական կազմակերպությունը /ԱԶԿ ՀԿ/ «ՏԻՄ ընտրություններին բնակչության մասնակցության խթանում» ծրագրի շրջանակներում հրավիրում է ընտրական 3-օրյա դասընթացի Արմավիրի, Արարատի, Արագածոտնի և Գեղարքունիքի մարզերի ակտիվ բնակիչներին։ 
 
 Ծրագիրն իրականացվում է ՄԱԿ-ի Զարգացման ծրագրի ֆինանսական աջակցությամբ։   
 
 
Դասընթացի և հետագա գործունեության նկարագիրը․ 
- Դասընթացն անցկացվելու է քաղաքից դուրս, տևողությունը՝ 3 օր:  
- Դասընթացին ուսուցանվելու են համայնքի բնակիչների տարբեր խմբերի հետ ընտրական թեմաներով հանդիպումներ անցկացնելու մեթոդներ: 
- Դասընթացների հաջող և ամբողջական ավարտից հետո մասնակիցներն իրենց մարզում իրականացնելու են համայնքային հանդիպումներ բնակչության տարբեր խմբերի հետ՝ կանանց, երիտասարդների, տարեցների և այլն: 
- Համայնքային հանդիպումներն ուղղված են լինելու բնակիչների մասնակցության խթանմանը տեղական ինքնակառավարման մարմինների՝ դեկտեմբերի 5-ի ընտրությանը, և չեն պարունակելու որևէ քաղաքական և/կամ կուսակցական ուղղվածություն: 
- Յուրաքանչյուր մարզից ընտրվելու են 6 մասնակիցներ, որոնք իրենց մարզի խոշորացվող համայնքներում իրականացնելու են 4-ական համայնքային հանդիպումներ: 
Այդ հանդիպումների համար մասնակիցները կվարձատրվեն: 
 
Մասնակիցներին առաջադրվող պահանջները. 
- Արմավիրի, Արարատի, Արագածոտնի կամ Գեղարքունիքի բնակիչ, 
- Համայնքներում աշխատելու փորձ/հմտություններ, 
- Համայնքային հանդիպումներ կազմակերպելու փորձ/հմտություններ, 
- Մարդկանց հետ շփվելու հմտություններ, 
- Թիմի հետ արդյունավետ հաղորդակցվելու և աշխատելու պատրաստակամություն և ունակություն: 
 
 
Հայտերի ներկայացման կարգը․ 
 
Հետաքրքրված թեկնածուները կարող են ուղարկել ռեզյումե (CV) info@armavirdc.org  էլեկտրոնային հասցեին մինչև 2021թ. նոյեմբերի 14-ը ներառյալ՝ վերնագրում նշելով՝ «Ընտրական դասընթացի մասնակից» անվանումը կամ ներկայացնել՝ 
 
- Արմավիրի բնակիչները՝ ԱԶԿ ՀԿ-ի գրասենյակ՝ ք․Արմավիր, Շահումյան 68ա  
- Արարատի բնակիչները՝ Արտաշատի քաղաքապետարան, 5-րդ հարկ, Սոց.հարցերի և ծրագրերի բաժին 
- Արագածոտնի բնակիչները՝ ք.Թալին, Գայի փող, տուն 12,  
- Գեղարքունիքի բնակիչները՝ Մարտունու կանանց համայնքային խորհուրդ ՀԿ, ք.Մարտունի, Պռոշյան 8 
 
 
Կազմակերպության մասին․                                                                  
 
«Արմավիրի զարգացման կենտրոն» հասարակական կազմակերպությունը         (ԱԶԿ ՀԿ) ստեղծվել է 2005թ.-ին: ԱԶԿ ՀԿ-ի առաքելությունն է համագործակցությունը հանուն սոցիալ-տնտեսական առաջընթացի։ Աշխատելով ողջ ՀՀ տարածքով՝ իրականացնում ենք ժողովրդավարության, մարդու իրավունքների, հակակոռուպցիոն, առողջապահական, կրթության և ՏԻՄ ոլորտներին առնչվող ծրագրեր։ Կազմակերպության մասին մանրամասներին կարող եք ծանոթանալ կազմակերպության https://armavirdc.org/ պաշտոնական կայքում: 
 
 


Դիտվել է 141 անգամ