Աշխատանքի հայտարարություն. հանրային կապերի պատասխանատու
2021-11-15
Աշխատանքի անվանումը՝ Հանրային կապերի պատասխանատու
Կազմակերպությունը՝ «Արմավիրի զարգացման կենտրոն» ՀԿ
Աշխատանքի տևողությունը՝ 20 ամիս, 01.12․2021թ-ից մինչև 28.09.2023թ-ը
Զբաղվածությունը՝ 80 %։
ԱԶԿ ՀԿ-ն «Արձագանք Քովիդ-19 համավարակին Ծաղկահովիտ համայնքում» ծրագրի շրջանակներում հայտարարում է Հանրային կապերի պատասխանատուի ընտրության մրցույթ:
Հանրային կապերի պատասխանատուի հիմնական գործառույթները․
• Կազմել մամլո հաղորդագրություններ և պատրաստել տեղեկատվական նյութեր ծրագրի վերաբերյալ հանրային ընկալում ձևավորելու և ծրագրի շրջանակներում իրականացվող աշխատանքների և նպատակների մասին լայն հանրության տեղեկացնելու համար
• Մշակել, պատրաստել և տարածել ծրագրային նորություններ և այլ հրապարակային նյութեր ինչպես լրատվամիջոցների շրջանակներում, այնպես էլ սոցիալական մեդիայում
• Պատրաստել թեմատիկ տեղեկատվական/տպագրական նյութեր, ինչպիսիք են գրքույկներ, պաստառներ, ուղեցույցներ
• Ծրագրի թիրախ խմբերի և շահառուների հետ կազմակերպել հանրային միջոցառումներ, հանդիպումներ, խորհրդատվություններ
• Ակտիվ համագործակցել ծրագրային թիմի հետ ծրագրի առաջընթացը քննարկելու, ներկայացնելու և տարածելու համար
Պահանջներ Հանրային կապերի պատասխանատուին.
● Բարձրագույն կրթություն ( բակալավրի կամ մագիստրոսի աստիճան),
● Հանրային միջոցառումներ կազմակերպելու հմտություններ,
● Հոդվածներ և տեղեկատվական այլ նյութեր գրելու, տեղադրելու և արդի մեթոդներով տարածելու ունակություններ,
● Թիմում աշխատելու հմտություններ,
● Հայերենի գրավոր և բանավոր գերազանց իմացություն (անգլերենի տիրապետումը ցանկալի է),
● Պատասխանատվության զգացում։
Հայտերի ներկայացման կարգը.
Հետաքրքրված թեկնածուները կարող են ուղարկել ինքնակենսագրական (CV) info@armavirdc.org էլեկտրոնային հասցեին մինչև 2021թ. նոյեմբերի 29-ը՝ վերնագրում նշելով՝ «Հանրային կապերի պատասխանատու» անվանումը կամ ներկայացնել ԱԶԿ ՀԿ-ի գրասենյակ՝ ք․Արմավիր, Շահումյան 68ա:
Ժամկետից ուշ ստացված հայտերը ՉԵՆ ԴԻՏԱՐԿՎԻ:
Ընտրված մասնակցին սահմանված կարգով կառաջարկվի կնքել ծառայությունների մատուցման համապատասխան պայմանագիր:
Կազմակերպության մասին.
«Արմավիրի զարգացման կենտրոն» հասարակական կազմակերպությունը (ԱԶԿ ՀԿ) ստեղծվել է 2005թ.-ին: ԱԶԿ ՀԿ-ի առաքելությունն է համագործակցությունը հանուն սոցիալ-տնտեսական առաջընթացի։ Աշխատելով ողջ ՀՀ տարածքով՝ իրականացնում ենք ժողովրդավարության, մարդու իրավունքների, հակակոռուպցիոն, առողջապահական, կրթության և ՏԻՄ ոլորտներին առնչվող ծրագրեր։ Կազմակերպության մասին մանրամասներին կարող եք ծանոթանալ կազմակերպության https://armavirdc.org/ պաշտոնական կայքում:
Դիտվել է 277 անգամ