ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ ԿԱՐԻՔՆԵՐԻ ԵՎ ՌԻՍԿԵՐԻ ԳՆԱՀԱՏՄԱՆ ՓՈՐՁԱԳԵՏԻ


2022-09-12
 
 
 
 
 
Աշխատանքի անվանումը՝       Կարիքների ու ռիսկերի գնահատման և քարտեզագրման փորձագետ

Կազմակերպությունը՝              «Արմավիրի զարգացման կենտրոն» ՀԿ
Աշխատանքի տևողությունը՝   3 ամիս, 01.10․2022թ-ից մինչև 31.12․2022թ-ը
 
ԱԶԿ ՀԿ-ն «Աջակցություն՝ կառավարելու Քովիդ-19-ի և այլ վարակիչ հիվանդությունների բռնկումները Հայաստանում» ծրագրի շրջանակներում հայտարարում է Ամասիա խոշորացված համայնքի կարիքների ու ռիսկերի գնահատման և քարտեզագրման փորձագետի  ընտրության մրցույթ:

Կարիքների և ռիսկերի գնահատումը նպատակ ունի ուսումնասիրել և գնահատել Շիրակի մարզի Ամասիա խոշորացված համայնքի կարիքներն ու ռիսկերը Քովիդ-19 և այլ վարակիչ հիվանդությունների բռնկումների վերաբերյալ՝ ներառյալ հանրային առողջության համար մտահոգություն առաջացնող արտակարգ իրավիճակները՝ ներգրավելով համայնքի տարբեր կառույցների ներկայացուցիչներին, ՏԻՄ-երին, ծառայություն մատուցողներին  և երիտասարդներին։ Քարտեզագրման նպատակն է գնահատել թիրախ համայնքի առկա մարդկային, նյութատեխնիկական և ֆինանսական ռեսուրսները և իրականացնել քարտեզագրում՝ աղետների և արտակարգ իրավիճակների պատրաստվածության և արձագանքման վերաբերյալ՝ կենտրոնանալով հանրային առողջության խնդիրների վրա:

 

 Գնահատման ծառայության նկարագիրը․
Ուսումնասիրության մեթոդաբանության, գործիքների մշակում
Հարցազրուցավարների ուսուցում և գործիքների փորձարկում
Տեղեկատվության հավաքագրման/դաշտային աշխատանքների համակարգում և ստուգում
Տվյալների վերլուծություն 
Ամփոփ զեկույցի պատրաստում: 
 
Պահանջներ գնահատողին.
Հետազոտություն/կարիքների գնահատում անցկացնելու փորձ, 
Սոցիոլոգիական մեթոդների իմացություն,
Դասընթացներ անցկացնելու հմտություններ,
Հավաքագրված տեղեկատվության վերլուծության հմտություններ, 
Գերազանց հայերեն լեզվով զեկույց մշակելու և ներկայացնելու հմտություններ, 
Թիմին կառավարելու և աշխատելու պատրաստակամություն և ունակություն:
 
Հայտերի ներկայացման կարգը
Հետաքրքրված թեկնածուները կարող են ուղարկել ինքնակենսագրական (CV) armavirdc.ngo@gmail.com էլեկտրոնային հասցեին մինչև 2022թ. սեպտեմբերի 28-ը՝ վերնագրում նշելով՝ «Կարիքների ու ռիսկերի գնահատման և քարտեզագրման փորձագետ» անվանումը կամ ներկայացնել ԱԶԿ ՀԿ-ի գրասենյակ՝ ք․Արմավիր, Շահումյան 68ա 
Ժամկետից ուշ ստացված հայտերը ՉԵՆ ԴԻՏԱՐԿՎԻ:
 
Ընտրված մասնակցին սահմանված կարգով կառաջարկվի կնքել ծառայությունների մատուցման համապատասխան պայմանագիր: 
 
Կազմակերպության մասին
«Արմավիրի զարգացման կենտրոն» հասարակական կազմակերպությունը (ԱԶԿ ՀԿ) ստեղծվել է 2005թ.-ին: ԱԶԿ ՀԿ-ի առաքելությունն է համագործակցությունը հանուն սոցիալ-տնտեսական առաջընթացի։ Աշխատելով ողջ ՀՀ տարածքով՝ իրականացնում ենք ժողովրդավարության, մարդու իրավունքների, հակակոռուպցիոն, առողջապահական, կրթության և ՏԻՄ ոլորտներին առնչվող ծրագրեր։ Կազմակերպության մասին մանրամասներին կարող եք ծանոթանալ կազմակերպության https://armavirdc.org/ պաշտոնական կայքում:
 


Դիտվել է 49 անգամ